Tasavvur qiling, bir vaqtning o'zida 100 ta foydalanuvchi bir xil, hali keshda yo'q ma'lumotni (masalan "bugungi valyuta kursi") so'rayapti. Agar har biri uchun alohida, bazaga yoki tashqi API'ga so'rov yuborilsa — bu 100 marta bir xil ishni takrorlash, resursni behuda sarflash degani.

Singleflight naqshi buni hal qiladi: agar bir xil "kalit" uchun so'rov allaqachon bajarilayotgan bo'lsa, keyingi so'rovlar yangi ish boshlamaydi — ular birinchi so'rov tugashini kutib, bitta natijani hammasi baham ko'radi. Bu — navbatda turgan 100 kishi bittasi "men hammaga sotib olib kelaman" deb, faqat bir marta do'konga borishga o'xshaydi.

package main

import (
	"fmt"
	"sync"
	"sync/atomic"
	"time"

	"golang.org/x/sync/singleflight"
)

func main() {
	var g singleflight.Group
	var callCount int64
	var wg sync.WaitGroup

	fetch := func() (interface{}, error) {
		atomic.AddInt64(&callCount, 1)
		time.Sleep(20 * time.Millisecond) // "sekin" tashqi so'rovni simulyatsiya qilish
		return "natija", nil
	}

	for i := 0; i < 10; i++ {
		wg.Add(1)
		go func() {
			defer wg.Done()
			g.Do("same-key", fetch)
		}()
	}
	wg.Wait()

	fmt.Println(atomic.LoadInt64(&callCount))
}

10 ta goroutine bir vaqtda g.Do("same-key", fetch) chaqiradi, lekin fetchning o'zi faqat bir marta bajariladi! singleflight.Group "same-key" uchun so'rov allaqachon bajarilayotganini ko'rib, qolgan 9 tasini yangi ish boshlashdan to'xtatadi — ular birinchisi tugashini kutib, xuddi shu natijani olishadi.

fetch ichidagi sun'iy time.Sleep ataylab qo'shilgan: agar so'rovlar bir zumda tugasa, ularning "bir vaqtda bajarilishi" imkoniyati kamayadi (birinchisi ulgurib tugab ketishi mumkin). Haqiqiy loyihada bu kechikish — tashqi API'ga yoki bazaga haqiqiy so'rov vaqti bo'lardi, va aynan shu "sekin" davrda singleflight eng katta foyda beradi: keshi "issiq bo'lmagan" (cache miss) paytda kelib tushgan yuzlab bir xil so'rovni bittaga tushiradi.